O‘zbekistondagi biznes vakillari uchun «1C‑Rarus» IT‑transformatsiya mavzusida biznes-nonushta o‘tkazdi

Tadbirda iqtisodiyotning asosiy tarmoqlari — qurilish, logistika, ishlab chiqarish, riteyl, avtomobilsozlik va boshqa sohalar vakillari ishtirok etdilar. Tadbir Courtyard by Marriott mehmonxonasida bo‘lib o‘tdi.

Biznes-nonushta ishtirokchilari IT‑loyihalarni illuziyalarsiz, haqiqiy tajribaga tayangan holda qanday tashkil etish mumkinligi hamda kompaniyaning barqaror rivojlanishiga olib keladigan tizimli algoritmlar haqida fikr almashdilar.

«1C-Rarus» ekspertlari amaliy tajribalari bilan bo‘lishdilar:

• Loyiha jarayonini buyurtmachi va ijrochi nuqtai nazaridan ko‘rib chiqdilar.
• Adizes metodologiyasi kompaniyaning rivojlanish bosqichlarining turli davrlarida avtomatlashtirishni qanday yo‘lga qo‘yishga yordam berishini tahlil qildilar.
• IT-pudratchini tanlash bo‘yicha aniq tavsiyalar berdilar.

Leonid Fomin

O‘zbekistondagi «1C‑Rarus» ofisi direktori:

«Mehmonlarimiz bilan haqiqiy keyslarimizni muhokama qildik: nimalarga erishdik, qayerda xatolarga yo‘l qo‘ydik va ulardan qanday xulosalar chiqardik. Bugungi kunda biznes uchun shunchaki ‘tizimni joriy etish’ning o‘zi yetarli emas. Muhimi, u qanday boshqaruv natijasini berishi, jarayonlar, rollar va xodimlarning mas’uliyati qanday o‘zgarishini tushunishdir.
Biz har kuni boshqaruv qarorlarini qabul qiladigan insonlarni bir joyga jamlay oldik va ularga odatiy narsalarga yangicha nigoh bilan qarash imkoniyatini berdik. Olingan fikr‑mulohazalarga qaraganda, bunga erishdik. Mehmonlarimizga ochiqliklari va o‘z tajribalarini baham ko‘rishga tayyor bo‘lganliklari uchun minnatdorchilik bildiraman. Professional muloqotning asl qadriyati ham aynan shunda. Biz bunday tadbirlarni o‘tkazish amaliyotini albatta davom ettiramiz».

Ishtirokchilar tajriba almashishning jonli formati yuqori qiymatga ega ekanligini ta’kidladilar. Biznes‑nonushta formati tufayli mehmonlar spikerlarga savollar berish, o‘z vazifalarini muhokama qilish hamda aniq vaziyatlar bo‘yicha fikr‑mulohaza olish imkoniyatiga ega bo‘ldilar.

Получить бесплатную консультацию по корпоративной автоматизации →